Referencias

Rocío é unha magnífica profesora de inglés que soubo ensinar dunha forma totalmente axeitada ás miñas necesidades. Conseguín aprender inglés de maneira amena e efectiva, sendo quen de desenvolverme perfectamente en todas as situacións que se poidan presentar, tanto a nivel social como profesional. Destacaría a gran profesionalidade e capacidade de adaptación que ten para realizar as clases. Grazas a este traballo conseguín acadar amplamente os obxectivos que me propuxera.

Aínda que sempre quixen aprender inglés, sempre tiven medo de facelo. Máis que medo era a vergonza de equivocarme. Rocío conseguiu que eu perdese medo e vergonza, que gozase e me divertise aprendendo ese idioma. Faino realmente MOI ben, con calidade e calidez ¡e sempre lle estarei agradecida!

Hai tres anos decidín que tiña que aprender inglés para poder defenderme cando viaxo ao estranxeiro; por casualidade contactei con Rocío e está a darme clases. Eu sabía moitas palabras soltas, pero non era quen de formar frases. Co tesón e a paciencia de Rocío agora xa podo articular esas frases. Podo asegurar que coas clases que recibo, e iso que vou só unha vez na semana e non lle dedico moito tempo, en poucos meses pódese aprender a manter una conversa, xa que considero que ten un nivel alto de inglés e de gramática, a que che explica facilmente para que poidas comprendela.

“Dende hai 13 anos traballamos con Mark Guscin e o seu equipo. Tanto a nivel tradución como interpretación destacaría a súa axilidade, rigor e confianza. Traballando con eles sentímonos en boas mans”.

“Coñecín a Rocío por amigos comúns, e cando por traballo tiven que mellorar o meu nivel de inglés, acudín a ela, tanto pola impresión que me deu, como polas boas referencias que tiña dela. Superou todas as miñas expectativas: é unha persoa que se implica, que transmite confianza mesmo máis alá do profesional, que é resolutiva, que ante dificultades de aprendizaxe ou mesmo de compatibilidade de horarios busca rapidamente solucións, que deixa ver que fai o seu traballo porque lle gusta, con dedicación e agarimo. Conseguiu que gozase de aprender, que non o vise como un simple trámite. Realmente divertinme e aprendín. E mesmo recoñezo que non só aprendín inglés, que aprendín moito máis, porque Rocío é unha persoa excepcional; é agarimosa, con empatía, chea de vida e que desborda bondade. É unha gran profesional e unha gran persoa”.

Esta é, ante todo, unha nota de agradecemento a Rocío e a Mark. Agradezo que conten comigo como colaboradora. Agradezo a súa eficacia, escasa complicación e boa disposición. Agradezo o seu trato próximo e a súa sinceridade. Agradezo, en fin, ese clima de solvencia que os rodea e define, en todos os aspectos.   Podo resumir esta nota nunha frase que un día me dixo Rocío: “encántanos facer as cousas ben...”  ¿que máis podo dicir eu?

“Dá unas clases dinámicas e entretidas, implicándote en todo momento e convidándote a que participes e te “soltes” a falar en inglés. Aprendín moito con ela e é moi boa profesora”.

“As súas clases son divertidas, cada día facemos cousas distintas. Gústame moito como profesora de inglés porque fai que fales e aprendas inglés pasándoo ben”.

"Gústame moito Rocío pola intensidade e a constancia para que os seus alumnos consigan resultados, é moi boa persoa e profesional. Destaco tamén a dispoñibilidade para adaptarse segundo o que requira a situación. Outro punto a tratar é que eu mellorei o meu inglés moi rápido e dunha forma práctica e divertida".

“Levamos traballando con Mark Guscin Linguistic Services dende 2008, ano no que EXPOCoruña iniciou a súa actividade. A satisfacción polos servizos de tradución e interpretación prestados levounos a seguir contando con eles en sucesivas ocasións”.

“…a palabra axeitada, o xiro preciso, o significado que buscas, o tecnicismo que non coñeces…así son as traducións de Mark Guscin, con quen veño traballando dende 1986 (son xa ¡27 anos!). Se a isto lle engadimos o que para calquera profesional é tanto ou máis importante, e estou a referirme ao cumprimento das datas de entrega e á atención inmediata cando xorde unha emerxencia fará que, coma min, non o cambies nunca”.

“De Mark Guscin marabíllanos a calidade do seu traballo e os seus tempos de entrega. Son sempre a nosa primeira opción cando precisamos unha tradución”.

“Ofrecen tranquilidade, eficacia, flexibilidade, rapidez, fiabilidade, adáptanse a diferentes tipos de linguaxe e formas de comunicación... sempre fieis ao contido e significado dos textos... ¿Que máis se pode pedir?”

"Cando preciso facela traduccion dalgun dos textos que van nun libro producido por min chamo a Mark Guscin. E un profesional da traducción que merece toda a miña confianza, pola calidade no seu traballo, pola rapidez na entrega e polo seu trato moi atento e cordial".

"A empresa Mark Guscin ofrece servizos de tradución moi rápidos e de gran calidade. Encántanos a súa profesionalidade e o seu trato cordial”